قبيلة كتبت ستاتي ردا على مبادرة نجيب الشابي المبهمة من حيث المضمون البرنامجي الاقتصادي والاجتماعي والدستوري...والتي تحاول تجميع فعاليات القوائم المستقلة التي جاءت في المرتبة الأولى في الانتخابات البلدية حول شخصه...وقت المناضلين يلزم يتوحدوا حول برنامج حكم مشترك يدافعوا عليه مع بعضهم امام الناخبين...وليس حول شخص ليس له برنامج حكم واضح....ولا يطرحه صراحة ...ليتلاعب بأصواتهم ولا يفعل شيئا لهم.... مثلما فعل السبسي..وقبله النهضة…
وبعد فسختو... قلت لروحو...وش مدخلك انتي...ولشكون تحكي؟ تي هوما الأحزاب اليسارية والقوى الديمقراطية الاجتماعية...لا قدمو مقترح برنامجي جدي للمواطنين من شأنه تحسين وضعهم.. ولا حتى فكرو فيه...ولا حتى فكرو جديا في تجميع أنفسهم حول برنامج...والإقلاع نهائيا من منطق المحاصصة الحزبي الانتهازي الذي يسلكوه في مختلف الانتخابات منذ الثورة…
وهي مسؤوليتهم وسبب وجودهم في دولة ديمقراطية… ولا هوما واعيين بمغزى تصويت المواطن للقوائم المستقلة...وخصوصا هجرته للانتخاب... الجماعة غارقين في سباتهم...و يغزرو لرواحهم في المرايا ويقولو ماشبني ومحلاني...وقت العزوزة هازها الواد وهي تقول العام صابة....
الانتخابات التشريعية على الأبواب...والنهضة الأولى والنداء ثاني في سبر الآراء عند امرود الذي نشر اليوم في الصباح...وهوما قراب من الصفر....وثلاثة أرباع المواطنين ما يعرفوش لشكون يصوتو...والجماعة موش هنا..
طاست مخي قتلي برة لا ترد فاس على هراوة...الواحد يلقى روحو حاج كلوف..
الإمضاء : مواطن تونسي...الدم طالعلو…