نواب حافظ ولد بوه..ومحسن مزروب قاطعو اليوم الجلسة العامة للمجلس... قالولك مانا راجعين حتى الشاهد يطرد هيئة الحقيقة والكرامة...وما يلزمش تعمل تقريرها وخصوصا ما يلزمش تواصل تحيل ملفات قتلة شهداء الثورة على القضاء الانتقالي....
وخونا مصطفى بن حمد رئيس كتلة الشاهد قاللكم يلزم نعملو قانون يلغي احالات قتلة شهداء وجرحى الثورة على القضاء الانتقالي... معناها الثورة المضادة بكل وقاحة... اما الي ما ضحكنيش بلكل...انو النهضة وحدها تبقى تدافع على إكمال مسار العدالة الإنتقالية…
خاطر نواب الجبهة الشعبية ونواب الكتلة الديمقراطية...الي كانوا حاضرين...بلعو موقفهم في قراجمهم...ما صدقتش ما سمعت... كيفاش عاد؟ يدافعو على نفس الموقف مع النهضة؟ وقت الموقف موقفهم قبل غيرهم...من وقت بن علي…
ومانيش نحكي علي عامل فيها ثوري…وهو مشكلتو في الدنيا كان النهضة موش اليمين الحاكم برمته… الجماعة عملو فيها ما عندهمش موقف بلكل من المشكل المطروح… سمعت تدخلاتهم لكل اليوم …بدون استثناء…عملو فيها موش هنا من المشكل المطروح… ما تدخلو كان على الشهيد أيمن المثلوثي والفساد…والمطالبين بحق الشغل…والأزمة الإقتصادية…
وكأن اكمال تقرير الهيئة الي يوثق الانتهاكات ويقدم مقترحات ما يهمهمش… وكان إحالة بقية ملفات الي قتلو شهداء الثورة على القضاء ما يعنيهمش….
وزيد نسمع واحد منهم في أخبار الوطنية يستعرف ويعلل في موقف اللاموقف بأن "النهضة تستغل في هذا الملف"…وكان شهداء الثورة وجرحاها نهضاويين موش اولاد الشعب … شخصيا عرقت…الجماعة ما عادش يعرفو وين هوما…مع استحقاقات الثورة…ولا مع الثورة المضادة..
وبعد زيدو تساؤلو علاش الشعب يحط كل الطبقة السياسية على بعضها حاكمين ومعارضة فرد شكارة..