إلى محسن مرزوق ورضا بلحاج وخميس قسلية وأنس الحطاب ووليد جلاد ويسار الكافيار ومرتزقة الاعلام اللي روّضهم عبد الوهاب عبد الله : الجمهور يحب يسألكم...... لاباس؟
القضاء هاو سلح عليكم بالواقفة(اللي ما فهمش الكلمة يلوّج عليها في المعجم) وهاو أثبت إنو شهيدكم عمرو ما كان شهيد، وانو تجارتكم في مآسي الأحياء ودماء الأموات هي تجارة خاسرة وفاسدة كيف أفكاركم اللي ما تصلح كان لخفافيش الظلام،
وتأكدوا إنكم مستحيل تربحوا من التزييف والتدليس والكذب متاعكم كان دعاء الشر اللي عندكم منو شكاير أكثر من شكاير الفلوس اللي جاتكم من ممالك القطران …يا حداثيي بلاد التررني ونخبة نهار الاربعاء.
*اليوم في محاكمة الدكتور سعيد شلبي-اللي هو ضحية من ضحايا تجار الدم واكبر متحياين سياسيين في تاريخ تونس- حضرو رموز المنظومة الشيو-تجمعية )بل أسوأ من فيها) كيف محسن مرزوق ووليد جلاد وخميس قسيلة وأنس الحطاب باش يبعثو رسائل سياسية لأتباعهم وللنهضة، وباش يكونوا اداة ضغط سياسي وابتزاز ضمني لمسار التقاضي الطبيعي.
السؤال هو هذا : بما أن الأطراف هاذي ما تحرجتش من الحضور في المحاكمة وجات باش تصفي حساباتها مع طرف سياسي معين…الطرف السياسي هذا(اللي هو النهضة ) ويني قياداتو -خاصة اللي مسمينهم صقور وتيار إصلاحي- في قاعة الجلسات وفي دعم الدكتور المظلوم بشهادة كل الاصوات المحايدة والمنصفة ؟ ووينهم الأحزاب اللي تقاوم في الثورة المضادة واللي هي ضد تطويع القضاء والا الضغط عليه كيما يعملوا شقوق النداء الكل في ممارساتهم التجمعية-الستالينية المكشوفة ؟