ورد في الأثر أنّ الفواسق خمسة وهي الغراب والحدأة والعقرب والفأرة والكلب العقور.
وقد أجمع علماء النمط على الأخذ بظاهر الأثر بلا تأويل وشذّ من بينهم شيخ الإسلام الوسطي أبو حافظ النمطاني فأضاف فاسقا سادسا هو" ابن الشعب" حمة الهمامي…
قال المحقق: وهي فتوى غريبة لم يسبقه اليها انس ولا جان ...ولله الامر من قبل ومن بعد…
نحو إنتاج مسلسل" الفواسق"
بعد مسلسل" "البواسل" ومسلسل" الجوارح" ومسلسل "الكواسر"، وبسبب الازمة اللي تمر بيها الدراما السورية...فإنو النية تتجه - حسب مصادر موثوقة من شرفاء وزارة الثقافة- باش يعملو مسلسل " الفواسق" . وبعد الحوار التاريخي متاع سي الباجي الليلة ، من المؤكد انو المسلسل باش ياخو تمويل عمومي لكن بشرط اسناد البطولة لولد الشعب حمة الهمامي.
يقال:" فسقت الثمرة من قشرها إذا خرجت منه" ..وظاهرلي ما ثماش انسان خرج من قشرتو أكثر من انسان ينتمي ليسار الكافيار، يعني انسان اصلو من الدواخل والقواحل ويخدم طابور خامس (وكابح صدمات) عند الاقطاعيين -شبه برجوازية-شبه مافيا- السواحلية والبلدية....(اللي بالطبع هوما مجرد عصابة ما تمثلش المناطق هاذيكة، لأنو اكثر ناس يعانوا منهم هوما الفئات المهمشة والمقموعة في الساحل والعاصمة قبل غيرهم .)
اللي يطيح من الشبّاك يحمد ربي عندو شبّاك
- خليفة الشيباني الناطق الرسمي بإسم الحرس الوطني " اللي ما عندوش قاراج ما يشريش كرهبة"
- مواطن تونسي: واللي عندو "امن جمهوري" كيفك من المفروض يبيع الكرهبة والقاراج ويحرق حتى لبلاد الواق واق... انت وسي الباجي والله ياسر علينا.
في معنى التَّونسة
بما أنو الأحزاب اللي تطالب ب"تَونسة" حركة النهضة، هوما أفشل ناس في "تونسة" الايديولوجيات الشمولية والسرديات الكبرى اللي تتأسس عليها ، فإنو نجاح "التونسة" متاع حركة النهضة-بالمنظور متاع حراس النمط- يعني واقعيا فشل جديد ينضاف للفشل متاع اليساريين والقوميين والليبراليين في أنهم يتَونسوا أحزابهم.
هذا يعني ببساطة انو عملية التونسة تحكمها القاعدة هاذي: الفشل الحقيقي في التونسة هو أن تنجح فيه ب"معايير التونسة" التي يحددها حراس النمط المجتمعي (حرّاس مدن الفساد البرجوازي)..أما النجاح الحقيقي في التونسة فهو في خلخلة تلك المعايير وبيان محدوديتها ولاوظيفيتها ، ثم خلق معايير جديدة من منظور مواطني اجتماعي لا من منظور ثقافوي استبدادي.
ولو شئنا تلخيص ما تقدم لقلنا: إنّ التَونسة الحقيقية هي فعل تأسيس للشراكة مع باقي الفاعلين الجماعيين، لكن يجب أن تتحرك ضد أغلب انتظارات حراس النمط وشروطهم.