السيد اللي يلغى وزارة الحوكمة ومقاومة الفساد، السيد اللي يشد صحيح في تمرير قانون حماية شبكات الفساد الاداري والمالي، السيد اللي قبل باش يخدم وزير اول موش رئيس حكومة ...السيد هذا كيفاش ينجم يكون جاد في محاربة الفساد، وهو في حد ذاتو مستحيل كان يوصل مدير عام )موش رئيس وزراء( لولا شبكات الفساد الزبونية والجهوية؟
سمّوا الأشياء بأسمائها ولا تجعلوهم ينطقونكم بما يريدون: هي ليست "حربا على الفساد" هي فقط "معركة ضد بعض شبكات التهريب"(ولا ترتقي إلى مرتبة الحرب) ، أي هي معركة الفساد الممأسس والقانوني على الفساد الموازي، أو هي معركة "البيوتات الكبرى" على "محدثي النعمة" من العائلات المافيوزية...إنها ليست معركتنا بعدُ ولكنها ستحدد لنا بصورةٌ ما طبيعة معاركنا القادمة.
بالفلاقي
كمال اللطيف أسطورة من أساطير النمط، خرافة تعاون الصحاح باش يحكموا من وراء الستارة ..وتعاون الزواولة في جيوبهم وفي أمخاخهم باش يرقدوا وفي بالهم فاهمين كل شيء…
يعني التفكير الصحيح يبدا وقت نتجاوزو الاسطورة هاذي او على الاقل نتعاملو معاها بحذر كبير وما نعطوهاش اكثر من حجمها ...لانو الحاجة اللي تفسر كل شي ...ما تخلينا نفهمو حتى شيء.
الخلاصة: كمال اللطيف شجرة تخفي الغابة….غول من ورق يخوفوا بيه اي انسان يحب يفهم بالحق السيستام المافيوزي التابع اللي نعيشو فيهم….الفساد اكبر من انو نختزلوه في زوز شبكات…وبارونات الفساد اكثر من انو نختزلوهم في شفيق وكمال….