تصدير: نسبة برهان بسيس للوهابية صادقة بالمعنيين: هو وهابي لأنو يحمل في اللاوعي السياسي متاعو بنية معرفية وهابية(تخدم ولي الأمر وتبررلو الجرائم متاعو مهما كان نوعها/ وهو وهابي لأنو يعكس في المنطق التواصلي متاعو بنية إعلامية نلقاو جذرها في تربية عبد الوهاب عبد الله.(
ما ينجّم يبشّر بالحجاج بن يوسف "الديمقراطي"، الا مسيلمة الكذاب "الديمقراطي"..واللي يحب يعرف شنية معناها السفسطة والتناقض والدعوى الفارغة والشعبوية واحتقار المتلقي، ما عليه إلا يسمع واحد من اليسار الثقافي( يعني كلب حراسة إيديولوجي حسب توصيف بول نيزان) يتكلم، عفوا نقصد " ينبح" باش يحلّل الزوز سوردي اللي شراوه بيهم.
ببساطة، برهان بسبس وامثالو في اليسار الثقافي( اللي ما بقالهم من اليسار إلا كره الاخوان وشوية شبه-مفاهيم عاملينها ماعون صنعة في بلاد التررني( هوما اللحظة الثانية في الفقه السلطاني اللي يحكم العقل السياسي عندنا: الوهابية "طبعوا" مع الحجاج لدرجة انو بعض أقلامهم تعتبرو "مفترى عليه"، واليسار الثقافي طبع مع الحجاج لدرجة انو يشوفو فيه "رجل الدولة" و"المنقذ"، لكن بشرط يكون "ديمقراطي"...بالطبيعة "ديمقراطي" على مذهب أسياد برهان بسبس قبل الثورة وبعدها.