ڨالك الأستاذ العياشي الهمامي مقترح لمنصب وزير لدى رئيس الحكومة مكلف بحقوق الإنسان والعلاقة مع الهيئات الدستورية والمجتمع المدني!!!
تو نحن نترقبوا فيهم يتوافقوا باش الراجل نعطوه المحكمة الدستورية ونصكروا الباب هذا، قاموا نادولوا وزير! وزيد موش وزير عدل والا داخلية والا دفاع، والاّ حتى وزير تكنولوجيا الاتصالات، المهم وزارة سيادية كيما ڨال الراجل! لا لا وزير حقوقي عند الفخفاخ!!!! زعمة قلنا النهضة ومعاها التيار والكرامة مع ونواب الفخفاخ وحتى نواب الرئيس، تو يتعدى العياشي بسهولة.. شوي عملوا فيراج يحير لعقل!
ثم حاجة ما هيش راكبة! ثم شعور ركيك اما يلح بقوة يقول أننا ڨدام عملية ابعاد من الطريق باش يتخلصوا من الحرج ويتفقوا على شخصية اخرى، والا كيفاش تحرڨوا الراجل بوزارة عند الفخفاخ وفي حكومة بـــارشا مؤشرات تقول اني حكومة خمس لباس ماهيش حكومة لباس كامل!
وإلاّ زعمة هانو في الوزارة كان احتاجو ليه تو يسحبوه لمهمة وطنية اهم!!!!! ثم قشعريرة في المسألة...وهاو ليزيد يخلي الشعرة ما تركحش: العياشي علاش قبل ليهم وعارفنا نترقبوا في الدورة الاخرى!!!!!!!!! لا إله الا الله.. وكهو....