شوف يا شبيح الراجل يخدم ليل ونهار، النوم ما يعرفوش، كلامو الكل على انقاذ حياة الناس وتوجيهم وحثهم وتطمينهم، وحتى القسم اداه مع مجموعتو باش يحشد كل اسباب النصر على وباء العصر.. هاكم شفتوه ياخذ غمضة فوڨ الكراسي كيفوا كيف جنودو البيض الي يرقدوا حتى على بلاط المستشفى..
هاو عاطي الڨاز وماعمبالوش بصحتو لانو الارهاق الكبير يمكن يوصّل صاحبوا المواصل... رغم ذلك سمعتوش المكي سيب خدمتو ومخلي الناس تحت المكينة شوف تموت شوف تحيا ومخلي كورونا تحصد على بعضو وهو ماشي يحكي على التفويض ويغمز في لحزاب الي ما حبتش تفتح ثغرة باش يمر المجنون ويغطس تونس في الدم!
ملا يا سي الشبيح هانو المكي ڨدامك نقل عليه، اخدم كي الرجال وكان ما ڨديتش تولي جنرال كي ندادك شد لسانك خلي الرجال تخدم، أما حديث الزنڨ والدروشة متاع زيدني شوي تفويض والتلحيس المهين مرة للفخفاخ ومرة لقيس سعيد خليك منو خير،
التفويض الأعمى ما يتعطاش لانسان بعقلو ديمقراطي وطني، خلي عشاق الاحذية السميكة أنصار البراميل المتفجرة طلاب البيانات العسكرية عيال السيسي!!! انت مهبول انت! انت مرنّك في مخك انت!! باش يجي شعب دفع ڨلبوا على ثورتو يسلمها الواحد أقصى حلمو اني صفاقس تولي كي حلب وتولي ساحة برشلونة كي ساحة رابعة.. انت ما تمشيش للحجر برك، انت ديراكت للمكينة ويا ربي!