ملاحظات على هامش يوم في الإدارة التونسية: لا علاقة لهذه الملاحظات بالأخلاق ولا بالدين ولا بالأعراف فقط المسألة تتعلّق بالذوق وبالحسّ السليم.
• أوّلا: الشورت والكلسون لا يليق بشاب أو "راجل" ماشي يقضي في قضية من الإدارة. داخل للإدارة في شلاكة وشورت وخلعة؟
• ثانيا chemise de nuit: و robe de plage والكالسون المحزوق لا يليق بشابة ماشية تطلّع في مضمون من البلدية…
• ثالثا: الخلعة المهلّعة والزوايد الشحمية الخارجة على اليمين وعلى اليسار لا تليق بسيدة تجاوزت الأربعين وواقفة في الصفّ تنتظر في دورها لقضاء مصلحة في الإدارة. والعيون الكلّ مرشوقة تحت ضبّوطها.
البسوا إلّي تحبّوا لكن حاولوا تجنّبونا هذه المشاهد المُقزّزة في أماكن يُفترض أنّها فضاءات مُشتركة نرتادها مُكرهين ولسنا مُخيّرين… أمامكم البحورات والمُنتزهات وقاعات الأفراح وغرف النوم والتواليت لوّحوا فيها شحمكم ولحمكم كما يحلوا لكم.
البلاد تغمّت بالزبلة وتمرمدت كما حبّوا واشتهوا جماعة "النمط"… وزاد عليها جماعة chez nous يسوقوا في سيّاراتهم بدزّ تخطف وإلّي جات فيه يستاهل… وكلّ واحد نادب بدنه بالتاتواج ومتأبّط عزوزة شمطاء وماشي في باله جاب الصيد من وذنه…
وتتكلّم يقلّك "صلّ على النبي وسّع بالك"…
مُجتمع فقد فرامله بشكل نهائي… من يعيد بناء منظومة القيم؟