بالله لمّا يحلّوا حزب حركة النهضة... الإعلام الوظيفي آش باش يخدم؟ مريم ولطفي وبوغلاّب والسفيانين شكون باش يخلصهم؟ والمُحلّلين آش باش يحلّلوا؟ والهيئات فاش باش تتلهى... والأكادميين فاش باش يكتبوا؟
والدولاب كفاش باش يدور؟ والكرونيكور منين باش يكمّلوا ديارهم؟ وإلّي كراهبهم ما خلصتش كفاش باش يخلّصوها؟ والجماعة الموجودين أصلا من أجل استئصال الإسلاميين وين باش يمشوا؟ على شنو باش يتقابلوا في القهوة؟ شكون باش يسبّوا؟؟؟
حلّوا حركة النهضة يُصبح لدينا صنف جديد من البطّالة... "مضادّي النهضة المُعطّلين عن العمل"... كان على النهضاويين متعلّمين بتدبير الرأس يطيّروا خبزتهم من الحيط.... ومزروعين في كلّ سانية تصبّ المطر يطرحوا قمح وشعير... حتى رجيم معتوق زرعوا فيه الطماطم والخوخ... تحسّبا للجفاف.
كلّ مرة نكتشف أنّ القاع هو الوطد... حاشاه اليسار موش كله وطز. لدينا يسار في نكهة الوطن لكن فأر ينجّس خابية…
الغيرية قيمة مركزية في الحداثة الغربية متاع بونابارت وستالين وهتلر؟ هكّة قلتوا؟