يا سامي.. يا اللي الخدامة متاع البلاد وثقوا فيك وحطّوك على رأس منظمة نقابية ما فماش كيفها لا في الجزائر ولا في المغرب ولا في مصر.. يعني منظمة مهمة فعلا.. ياخي الكلام هذا اللي توجّه فيه لروس الأموال المتهرّبين مالضرائب وللحكومة اللي حاطة ايديها في جيوب الفقراء.. ما كنتش تعرفو نهار 25 جويلية ؟
ما كنتش تعرفو وقت تنادي في سعيد وتقلّو "يا ريّس خذها ولا تخف" تقول عليك تخاطب في سيدنا موسى..! ما كنتش تعرفو نهار اللي حملة التلقيح الرئاسية المزيفة المسخرة وقت سيادتك شامت في حل البرلمان وقمت تصيح بالفرحة كالبوهالي "اسمعوا اللطخة…"!
أيا مالا آش رايك توا عاد كيف اللطخة وصلت لدارك…!؟ ياخي هي وصلت لديارك الزوز.. الاتحاد وحزب الوطد..
باهي تو كيف الاتحاد مرعوب ويرعش وموش منجّم يسترجع دورو الطبيعي بعد ما ورّطتو أنت وحزبك وميليشيا حركة الشعب في مساندة الانقلاب؟
باهي تو كيف حزب الوطد منقسم والرحوي يقوم بانقلاب داخلو بدعم من الانقلاب؟ تسمع في اللطخة مليح سي سامي توا… ؟!!
تبا واكاهو