الهايكا التي استعملها الانقلاب في بدايته تنتهي إلى مسخرة. هشام السنوسي استدعاه الهادي زعيّم (الناطق الرسمي باسم حزب سامي الفهري.. والحقيقة هو ناطق شرس ومثقف ومقتدر.. من يريد التأكد يراجع حواره أمس مع فخري السميطي عضو نقابة الثانوي.. كنس به الأرض فعلا).. سأله كيف تسمح الهايكا بتدخل الحكومة والرئاسة والنقابة وكل من هب ودب في حكاية المسلسل وهي صامتة؟
بقي المسكين يحوم حول الموضوع ويشرح طريقة عمل الهايكا تقنيا وكيف أن المسلسل بناء درامي لا يمكن الحكم عليه من الحلقة الأولى.. وأن ما يجري هو تعامل سياسي مع المسلسل.. سأله زعيم بوضوح لماذا لا تفرض الهايكا على الجميع التزام حدودهم واحترام اختصاصها؟ فأجاب بنبرة ذليلة :هذا لأن الأمور الآن مشربكة وداخلة بعضها.. علاش ؟
لأن الهايكا منذ أن رفضت الإمضاء على القرار المشترك مع الايزي في الانتخابات.. وقالت أن التعامل الإعلامي مع المترشحين تنقصه النزاهة.. من يومها والهايكا تتعرض إلى التنكيل.. والدليل أن وزير التربية تصرف كأن الهايكا لا وجود لها فلم يلتجئ إليها بل ذهب إلى القضاء مباشرة عكس الحكومات السابقة...
(وبربي اسمعوا مليح سي هشام آش باش يقول تو).. أحنا ربما تقاطعنا قبل وقلنا فمة شرف لقيس سعيّد في إنهاء العبث بالمؤسسات.. ولكن اليوم بكل صراحة نشوفوا في حلقة ثانية من العبث بالمؤسسات... هنا يقاطعه زعيم ليقول له.. سي هشام فمة نبرة ضعف في صوتك كأنو فمة استسلام... يجيبه بضحكة مخاتلة بأنه مزكوم ومريض لا أكثر.
وهنا نأتي إلى التصعيد الدرامي في الحوار.. يسأله. اليوم الهايكا ضعيفة؟
يجيبه بثقة لا لا بالعكس اليوم الهايكا أقوى من أي فترة مضت.
يسأله إذن لماذا لا تتدخل الهايكا؟
يجيبه هاني جايك. لأنو منذ أن عاقبت الهايكا التلفزة الوطنية لأن رئيس الجمهورية اخترق الصمت الانتخابي.. منذ تلك اللحظة تم الحسم في الهايكا باعتبارها هيئة رعناء لا ينجموا يدخلوها في القطيع متاع العشر سنوات الماضية والجميع يعرف ما تعرضت له الهايكا من اعتداءات ومحاصرة وكيف ذهبت إلى مجلس النواب واشتكت إليه النهضة...
وهاو قوة الهايكا.. هذاكا (يقصد مساندة الانقلاب) ماهوش صك على بياض وانو اليوم نقبلوا بالشي اللي قاعد يحدث.. تتلفت تلقى رئيسة مديرة عامة للتلفزة الوطنية منصبة بطريقة غير قانونية ويخوضوا بيها الانتخابات التشريعية.. الهايكا تقول لا.. اليوم تلقى مؤسسات إعلامية غير قانونية وقدمنا فيها ملفات وادّخّل في أموال من الخارج بعشرات المليارات وما يتمش التصرف معاها...
الهايكا تدفع في ضريبة مواقفها المبدئية.
يعاود يقاطعوا زعيم.. اليوم هل ستتدخل الهايكا؟
يجيبه.. نعطيك معطيات أخرى... اليوم الإدارة متاع الهايكا تأتمر بأوامر الكاتب العام للحكومة.. وتمنع وصول قرارات الهايكا إلى المحاكم.. فهذا شي خطير ياسر.. هذاكا علاش فمة مراسلة باش تمشي إلى رئيس الجمهورية تدعو فيه إلى حل تحقيق في ما يحدث اليوم.. فمة أشياء غريبة وعجيبة قاعدة تحدث...
يعاود يقاطعوا كأنو ما سمعوش ويقلو. الكلام اللي تقول فيه مهم ومتشعب وعميق... هل اليوم الهايكا تنوي التدخل...
يختم تدخلو بحكمة عظيمة "الدولة وقت اللي تكبر.. تكبر الأسئلة متاعها. والدولة وقت تصغر تصغر الأسئله متاعها".
تعليقي:
_ هشام السنوسي باش يشكي لسعيّد بالحكومة متاع سعيّد اللي تهرسل في الهايكا اللي اعترضت على خرق سعيّد للصمت الانتخابي في انتخابات سعيّد... برافو سي هشام... محلاك ومذكاك سي هشام.
_ الانقلاب يمعن في إهانة الهايكا... فلم يكلف نفسه حتى مجرد إصدار قرار بحلها، بل ألحقها بالحكومة... تحت حس مس.
حاجة وحدة تمنيت الهادي زعيّم يسأل عليها سي هشام.. ياخي ما زال يخلص في شهريتو مالهايكا والا لا ؟
حسب ما فهمت السيد مجمّد أما قاعد يخلص.. وما عينوش يصدق اللي الهايكا تم الانقلاب عليها من الانقلاب. وممكن ياسر فرحان بوضعو الهجين.
تبا!!!