عينة من الإجرام الشعبوي العنصري الفايسبوكي العابر للإيديولوجيات ولعائلات السياسة وللحكم والمعارضة وحتى للأديان.
السيد هذا من تيار سياسي معارض وإسلامي.. ولكنه منخرط على قوة جهدو في الحملة الشعبوية العنصرية ضد مهاجرين جنوب الصحراء. وهاهي قدامكم عينة من التضليل الشعبوي الذي يمكن تسميته كذبا وتلفيقا ومشاركة في جريمة عنصرية.
السيد جاب زوز صور متاع مهاجرين بصدد المشي. استنتج مباشرة أنهم مزودون بهواتف وذكية زادة.. يعني شاف التليفونات من بعيد وتأكّد اللي هي ذكية وفيها GPS…! وزاد شاف الفلوس.. ناقص كان يقوللنا قداش…!
أما النقش ما زال القدام.. السيد شاف حاجة أخطر من هذا الكل. شاف الفكرة اللي في وسط رؤوس المهاجرين. قراها بالتيليباتي وعرف اللي هوما عندهم "يقين بأن شمال افريقيا لهم ولا يحق لأحد أن يمنعهم منه". أكثر مالبهتان والافتراء والتدليس العنصري هذا آش ما زال ترا؟
وهذا راهو جامعي ومتسيس ومعارض.. وإسلامي.
وبربّي ما يجيني حد يقلي علاش تصرّ على ذكر صفة إسلامي.. ببساطة خاطر الدين اللي نعرفو يحرّم الكذب وشهادة الزور وكل أنواع التمييز.. فضلا عن أنه يحرّم الجحشنة يعتبرها أم الكبائر.
مساهمة مني في حلحلة الأزمة المندلعة بين الراطسة التونسية النقية الشريفة والإخوة الأفارقة أعلن استعدادي الطوعي لإجراء مناقلة سكنى مع أي أخ إفريقي أيا كان بلده.. مالي أو زنجباري أو زمبابويوي أو غيره. يجي ياخو بلاصتي في هذه الأرض المقدسة ونمشي ناخو بلاصتو.
وتبا