عاد وانا نتنقل الصباح في بنزرت.. بين المقهى والمحكمة والييرو...بعد ما المنقلب على دستور الثورة زاد خرب البلاد كل يوم أكثر فأكثر....وعلى كل المستويات...من انتهاك لكل الحقوق.. واختطاف وتلفيق القضايا للمعارضين السياسيين لاستئصالهم من الساحة السياسية لأنه عاجز على مواجهتهم بالحجة والدليل... وتفليس البلاد وتجويع الشعب الذي لا يريد... الخ...والقايمة طويلة برشة...وموش باش نعاودها....فهي موجودة في تدوينات سابقة…
وحتى العنصرية أصبحت سياسة حكم رغم التكذيبات الكاذبة...مما زاد في تشليك البلاد...وفي العالم كله إلي هذا يدلو بدلوه ويوري في بلاد ثورة الحرية والكرامة بالصبع...ويتخذ في قرارات ضد تونس... يعني مصائب كبرى هابطة علينا من كل حدب وصوب ...وعمرها ما صارت منذ استقلال تونس..وحتى قبل…
عاد إلي يعرضني يسلم بوجه مكفهر...ويحب يحكي وين ماشية البلاد... طبعا هذا بعد ما وصلت البلاد للحضيض إلي عمرها ما وصلتلو...في الداخل والخارج...وكيف ما قلت منذ الاستقلال.. وبما ان الناس على علم بالمستجدات الأخيرة...وهنا نحكي على الناس...هاك المواطنين الحقيقيين إلي يتقال عليهم "العاديين"... وموش نحكي على المناذلين إلي يسبو في المناضلين ...وإلا التفسيريين والفاشيين والعنصريين...وأشباههم من المتسلقين من أجل وسخ الدنيا إلي موش باش يهزوه معاهم للقبر ...هاظوكم اليوم بعضمتهم...عارفين أرواحهم شعملو...ولو أنهم مواصلين في ترويج خطاب شعبوي…
واليوم بعضهم (وطبعا موش كلهم) كي يشوفوني يتهربو...كيف ماكانو يتهربو مني وقت بن علي...موش البوليس السياسي ما يعيطلهمش. وتراصيلهم يعملو في تقرير..هههه… عاد خوكم عديت الصباح حاشم...إلي سلم...في بالو باش انورو..ونعطيه جواب يبعث عندو امل...لكني ما عنديش جواب…
راصات نغزرو لبعضنا...وكاهو...بما اني ما عندي ما نقول.. وثمة واحد منهم...عمرو ما عمل السياسة في حياتو ونشوفو منذ عقود براسك كل يوم...قالي بربي يا أستاذ نحب نقلك حاجة راسي راسك... قلت بيني وبين نفسي انشالله ما صارلوش مشكل كبير…
السيد نلقاه موش طايق...ثمة حاجة مكدرتو...وقالي فجأة: "ياخي شبيهم يسبو في حمة ونجيب"؟ آنا نسمع بيهم من وقت بن علي كمناضلين...ولتوا مناضلين...شكونهم إلي يسبو فيهم بربي وعلاش…
قتلو: هاظوكم راهم حتى شيئ...ما تاخوش عليهم…
ساندو انقلاب بن علي الجديد...وفي بالهم باش يتمعشو منو....وبعد كي هز البلاد للخراب...توا يلوجو كيفاش يتهربو من مسؤوليتهم في الخراب...ياخي قامو يهربو في الجرة...ويلوجو منين يتنفسو...ههه...لكن الناس تعرف الناس...هههه
وثمة زادة واحد آخر يشبهلو... سألني عموما نفس السؤال..بما انو يعرفني صحبة مع حمة ونجيب...حكى وحدو...ياخي غزرتلو وأيدتو ومشيث....هههه… يعني كي تجي تفهم....تلقاهم هاذم زادة ماركة موش وقتو...هههه …
فبحيث...بالرسمي
باش يبقى خوكم حاشم من الناس...وما عندو ما يقول للمواطنين إلي يسألوه..وهوما يلوجو في أمل في مستقبل احسن لتونس وشعبها واولادهم.. وانا باش نبقى بدون جواب...مادام المعارضين للخراب الحالي...كل طرف منهم عامل فيها مني تخرج...وفي بالو هو بورقيبة الجديد...وهو إلي يقولها وحدو...ههه …