إلي عامل فيها يقيم في فلان ولا فلتان ضحية قمع اليوم...في بلاد الفاشية الصاعدة...ولي باش تهبط بهراوة على رأس الجميع...وبدون استثناء....لأن هاذيكا طبيعة الفاشية في كل زمان ومكان... هاني باش نقعد متربي لآخر مرة...ونقول فقط... يزي من الترونيق...هههه …خاطر آنا هاو كيفاش نقيم....
كانك يا مهف خواف...وماركة اخطى راسي واضرب كيف وقت بن علي...برا شد ببوشتك من توا....واحكي على الكورة وكل شيئ إلا في السياسة والحقوق والحريات... وسيب عليك من التملغيج... وكأنك باقي تتحومق...وموش شالق بلي زادة العصا باش تهبط عليك...كيف ما باش تهبط على الجميع....وإنتي منشغل بتصفية حساباتك مع خصومك السياسيين…
نقلك راك تذكرني براكب سفينة يقودها ربان...ومدخلها في الصخور في عاصفة هوجاء...وهو مشكلتو يحاذف بالحجر ركاب أخرين...جايينو على عينو العورة..هههه … عاد نقلك وقتها ربي ينورك... وتلقى وقت تغرق السفينة... شكون ياقف معاك...ويلوحلك جرد طوق نجاة...هههه هههه …
وكانك تتذاكى...وعامل فيها تلوج في تبريرات من الحيط للفاشية الصاعدة...بالتركيز على تقشتيل خصومك السياسيين...وانتي تعرف انهم معارضينها...امرك راهو مفضوح... وتذكرني بهاك إلي في ماتش كورة في الحومة...شادد أربيتر...وهو بايع الماتش...ويحيل عيني عينك مع فريق ضد فريق...هههه …
ونقلك...راهو يبطى شوية...كوارتك راهي مفروشة...والناس راهي تفهم...وشالقة بالأزلام الفارينيين للفاشية الصاعدة إلي كيفك...هههه …عاد المرة الجاية ما عادش باش نقلك يزي من الترونيق... باش نقلك....كانك ما زلت تصفي في حساباتك القديمة....وموش شايف علاش انتي قاعد اليوم...تفرج في الصورة هاذي.. هههه…
والمرة الجاية تو نفسرهالك…هههه …