عاد حتى كان باش ندخلو حديث في حديث .. جايبين هيك الطفلة فاطمة المسدي النائبة الموجودة في منزلة بين منزلتين ...ساق في المشروع و ساق في النداء واحد و اثنين ..دايرين بيها ثلاثة و يصلبو فيها على رأسها و هي تقر في الزيت :
فاطمة :والله الحكومة عندها ايجابيات و سلبيات لكن برشة يعطلو فيها.
صحفي1 :شكون ؟
فاطمة :برشة …
صحفي 2 :ايه شكون ؟؟
فاطمة :والله ..ثمة ..يعني ..توى مثلا الجبهة الشعبية في الاعتصامات(تلتفت تلقى عمار على يمينها) ..مش القيادات راهو.. ماللوطة نقصد…
صحفي3 :ايه شكون آخر ؟ قلت برشة ..
فاطمة :..أأأ .. النهضة…
صحفي 1 : النهضة في الحكومة…
فاطمة : ايه نعرف ...لكن ..منجمش ..يعني ....شوف نقلك ..مش القيادات ...ماللوطة.
صحفي 2 :ايه و شكون زادا ؟
فاطمة : موجود راهو موجود …
صحفي 1 : ايه شكون؟
فاطمة : توى مثلا الات ..الات ..الاتحاد ..اضرابات و مطال..ب ..مش القيادات ..ماللوطة ..
بوعجيلة : هذه النوعية التي ملأ بها نداء التحيل قائماته هم تلاميذ و طلبة الشُعب الي كانوا ينظموا في الرحلات لطبرقة و عين دراهم ثلاثة ايام و ليلتين بعشرين دينار في عطلة الشتاء . و لتوزر و نفطة في عطلة 7 نوفمبر و تسكرة الدخول لدار شريط عليهم .