نمشي لساحة "المسيسين" ...خلينا من الائتلاف الحاكم ..هاذاكا أنا متأكد أنه محكوم بمافيات فاسدة بلا نقاش و سقوفهم لا تتجاوز الكومبارس في شريط قصير ..
نمشي للمعارضين السياسيين و الجمعياتيين للائتلاف الحاكم ..خلينا من "مدوني" هذا الفضاء قواعدا و طموحين ..برشة منهم أنا متأكد أنهم عاملين جهدهم بلي ينجمو .
الاحزاب و "المعارضات" و "المنتديات" و الجمعيات و النقابات القطاعية الي مقطعة يدين الحزازة في "النضال" هاذوما ما عندي حتى يقين بشكون محكومين ... اليقين الي عندي أني أعرف جيدا عناوين "المعاركية العظماء" حاليا في مجال "حرية الاعلام" و "القضاء" و مواجهة الفساد و التي أصبح مثلا على سبيل الذكر لا الحصر حتى محسن و سليم من قياداتها …
التصويرة مدغدشة و الرأس شاب من خلطبيطة الساحة التونسية "الباهية " التي نعرف تفاصيل "الاحتراف السياسي" داخلها و التي يشيب الرأس أكثر من قصصها الغريبة و تداخل خيوطها و لهذا كبرنا على "التسخين" و لعبة "الشهيلي" و حطب الشعول …
أيها الناس من عرفني فقد عرفني و من لم يعرفني فأنا حاليا من جماعة "فاعتزل تلك الفرق كلها ولو أن تعض بأصل شجرة "..
هذا تحريض عالمشهد السياسي التونسي الراهن و طعن في مصداقيته ؟؟ نعم أقر بذلك ..
ليس لنا ثقة في كل قياداته ؟ ..نعم…
موقف عاطفي ؟؟ لا : حللنا مقومات المشهد و تكلمنا على "ديمقراطية القوى" و لا نبرئ أحدا ..الخديعة الكبرى ..مرحلة تاريخية لازمة ..من لا يعيها لسنا مسؤولين على أوهامه.
جماعة الالتحام بجماهير شعبنا العظيم ..و يزي من نشر الاحباط و شنوة بديلك و التحق بينا في جبهة الكفاح في الجبل …هذا جداري ..أكتب ما أردت ..و عندي أجندة زادا هههه …و أشكرهم على النصائح المفترضة الي باش تهبط توى ….
الى الصادقين : ادخروا حماسكم و لا تبذروه في أمل كاذب و مراهنة غير مجدية على "أيقونات فالصو "مصنوعة خصيصا لتدوير النخب ..و للرسكلة و تسخين البايت عن قصد او عن غباء …اذهبوا الى فكر التأسيس الجذري للقادم …هذه نهاية حقبة عربية …و لن يكون القادم إلا "خلقا" جديدا بالمعنى الخلدوني للكلمة …