نطلب أن يكون المطر غيثا نافعا ..حوالينا لا علينا ..هذا على الله ...لكن كثيرا جدا على عبدالله يحتاج أن نلتفت إليه لنحاسب انفسنا …
دعنا من تجاذبات سياسية لا تسمن و لا تعصم من السيول اذا سالت تهد القناطر و الكياسات كرينا كرينا ...من يقول يقع لدى احسن الدول و العائلات و من يلعن الثورة على اساس بن علي كان عامللنا سفينة الطوفان يهزنا فيه وين تصب ،، الشتاء ،، بعبارة اهلنا في العاصمة و وضواحيها ...دعنا من هذا...فهو لا يخفف من معاناة ..
الرسمي يا صاحبي...هل هناك استعداد للنقاش الصريح في وضعنا العمراني و البيئي ..وضع الأوناس و تعهد الجعب ..ملفات الفساد في البنى التحتية و مراقبة أشغالها و تفقدها ...تخطيط مدننا و قرانا و دشراتنا و توزع الخارطة السكانية و المناطق النائية ...وضع إداراتنا الخدماتية ..البلديات ..الدواوين ..الاستشراف ..استعدادات و امكانيات الحماية و الدفاع المدني …نباهة و ريفلاكس المسؤول المحلي و الجهوي و المركزي ..الإعلام و الثقافة المواطنية …
يا صاحبي هناك احساس ان ثمة وطن بلاش وقافة في عرسه أو في ترحه ..الجماعة الكل متبرنشية بين قرطاج و القصبة و باردو ..قدام المرمى و الوسط و الاجناب فارغين .. نقدمو شوية للوسط عيشكم …امشي و ايجا …سرح شوية …العباية راهي على فرد بلاصة ..