شوف ..والله البرنامج الخاص بالعنصرية في تونس تافه وفارغ..واللي تكلموا بكلهم يكذبوا ويتوهموا....ويحبوا يتعداو في التلفزة ..عندنا جهوية السياسة...وتفرقة بين الغني والفقير هذا نعم ...اما حكاية العنصرية بين البيض والسود ما فيش....وما تحاولوش تخلقوا القصص الفارغة باش تغطيوا على سرقة الثورة وعودة النظام بشوية فلفل الحرية ..وملح الديمقراطية ...مع تجويع الفقراء وتقوية ثروة الاغنياء....
الاغنياء في تونس لا يدفعوا لا ضرائب ولا خطايا ولا يرجعوا اقساط القروض البنكية الليخذوها بمئات المليارات حتى تسببوا في ضعفها وهاو باش يبيعوها رغم ان الدولة اعطاتها اكثر من الفين مليار باش تمنعها من الافلاس ..والأغنياء متاعنا ما خلصوش عرق الخدامة لا بالحق ولا بالقانون ...ولا يقريوا اولادهم في تونس...اولادهم هوما اللي وللاو يحكموا فينا باسم الثورة ..اي نعم ..والله اولادهم هوما اللي يحكموا ....قال شنوا قال خبراء...من نوع خبرة السراق ..والمتهربين والمهربين.....
باش تفهم العنصرية او التفرقة في الثروة والنفوذ كون اسود وغني....وتحدث بعد وإذا لقيت عنصرية ضدك حاسبني......وإلا كون اسود وفقير. وتو تشوف اللي انت لا شيء. كيفك كيف الفقير التبيض وإلا شبه الابيض ..واعمل مقارنة بين الغني الابيض والغني الاسود ....وبين الفقير الاسود والفقير الابيض او شبه التبيض...وإذا لقيت ثما فرق بين الابيض والأسود إلا بالمال حاسبني....
بربي يزيوا من الوهم الفارغ والتلقيط الفارغ . والتبلعيط المسخ ...هذه قضايا وهمية....وهاتوا الصحيح
ابعدوا شوية من الباطل وقولوا لنا هل ان جماعة قائمة ناهبي ثروة البلاد رجعوا القروض اللي خذاوها بمئات المليارات وإلا لا.
وقولوا لنا هل ان اولاد الوزراء السابقين والاسبقين اولادهم وبعض من بناتهم وللاو وزراء وإلا لا هذه العنصرية اللي نعيشوا فيها ..
وانحب نعرف اخي كل جهات الجمهورية فيها رجال يصلحوا باش يكونوا وزراء و كتاب دولة وإلا لا ....اما لا علاش جهة بجهة السياسة في تونس.....هذه عنصرية وإلا لا يا جماعة عنصرية السود والبيض واللي انا نطرح فيه يمس تاريخ البلاد واقتصاد البلاد و اخلاق البلاد وإلا لا.
انظروا في الامر كم من متضرر من العلاقة بين البيض والسود في تونس..وكم من متضرر بين الاغنياء السراق والفقراء الشرفاء …بين السارق الغني اللي ما يدخلش الحبس ولو سرق الف مليار …وإذا دخل صدفة الدنيا في تونس تقوم و ماتقعدش حتى يخرج ..وشوف الفقير كيف يسرق عشرة دينارات اش يوقعلوا .
هذه هي العنصرية الحقيقية ..اللي نعانيوا فيها ….ياسي الاعلام التافه متاع سمير وسامي ولطفي ونوفل …وغيرهم ….