لم ننزل مع المطر الاخير ...والبوصلة تهتدي بحدس لا يخيب ...ولا نشتري زيت المواقف من صيدلية لنمر بين الكراسي باخف الاضرار...
فتحنا اعيينا على منشار الموقف الوحيد ...ان لم تكن مع فانت ضد.... ذب في فكرتي او مت وحيدا منفيا....
قالت لنا البوصلة ...الحدس ....سقط الموقف الوحيد وتوزعت الحقيقة ... ..
يوجد خيار اخر ...يقوم على ان لا احد يملك الحقيقة إلا الحق ...والحق تعالى عن مناكفة الديكة ..قبل خلق الديكة …
الحقيقة على الارض تتغير ... كل يوم ... تقودها المصلحة والحسابات ..بلا مقدس..
قال لنا الدرس السوسيولوجي ... الحق والباطل موقع اجتماعي اولا ...والطائفة كما القبيلة كما الطبقة موقع ومصلحة .فولاء فمغنم ...فلسان يعطي وجها للحقيقة و يمنح سلاحا للقتل ... ويتخذ جنودا !
توزعت الحقيقة ...ولا فرق بين النفط والفستق في اكساء الحقيقة بحرير مزيف .
قال لنا الاب ديمرسمان (في ابلا) ان عقد الماء والملح يبنى على احتمال تغيير الحقيقة لاستئناف البقاء
وقال اهلنا )خاصمني واترك وجها لمقابلتي ذات يوم )…
ولقد راينا ان لا احد يملك الحقيقة إلا عامة الناس في كدحها المر من اجل الحرية …
الحرية حقيقة ...لا يختلف حولها الاحرار...
لذلك نجد الشعب السوري على حق ..لم يره الطائفيون..
والقدس ضاحية دمشقية …
****
امش ارقد خير
خويا التونسي ... الطيارة في مخو ...والي فهمتلا فبحيث !
انت اليوم كيف ما يعجبكش رئيس الحكومة تعفس فيه !
كيف رئيس الدولة ما يروقلكش تشلكو !
كيف وزير التجارة يعمل صفقة على ظهرك تبول عليه !
كيف وزير التعاون يبرم عقود على اكتافك تنحيلو سروالو !
عندك نقابات وعندك صحافة وعندك تلافز واذاعات !
تقول الي تحب و تعمل الي تحب !
واتنجم جتى تمشي لفلسطين …
يعني انت في المحصلة صار عندك حق فعلي (مش نظري) وقدرات كبيرة للتاثير في سياسة بلادك و التحكم في حكومتك و دبة دبة كل يوم مساحة حريتك تزيد و تجربتك تتطور و تبرمج الانتخابات و تقيم النخب وتقول هذا باهي وهذا كذاب وكيف يجي واحد يكذب عليك تعطيه قروي .
في خمس سنين خذيت بثارك من 50 عام قهر ...والخير لقدام رغم الفقر و برشة حاجات خائبة
قبل ما كنتش تنجم تهز راسك في الشارع ...توا الشرطي يخاف منك .
علاش ياخي خوك العربي في الاقطار الاخرى ما عندوش نفس الحاجات ونفس الحقوق ..؟؟
هو من غادي تحت العسكر ينظر اليك ويحسدك ...وانت تحب تبرك عليه العسكر ؟
والا فك عليك هذا كله مؤامرة فاق بيها حسنين هيكل ...امش ارقد خير !!!
****
نفدلكوا امان ما تتغشوش ....
ثم ناس ريتها هنا عام 2013 مع الملك عبد الله ال سعود وهو يدعم السيسي بالغالي والنفيس
والى الان هي مع موقف ضاحي الخرفان و دخلان في موقفهما الداعم له و الداعم ايضا لعباس متاع التنسيق الامني ...نفس الناس تعتبر حماس في غزة تمارس في برنوغرافيا النضال ولا تسندها ولا تراها حتى حركة وطنية ...نفس الناس قهقهوا من المنصف المرزوقي في محاولته فك الحصار عن غزة ...ونزيدك كان مع ال سعود في عاصفة الحزم..
هؤلاء جميعا الان مع حزب الله ....ضد ال سعود ...وان لم تكن مع موقفهم فانت اتوماتيكا مع ال سعود..
ثبتولي عاد ..على موقف واحد …
لو عندى شوية وقت ووسع بال نرجع لمجلة حقائق في 2006 ونخرج مقالاتهم ضد حرب تموز و اللعنات الي صبوها على حزب الله )الذي كان يسمى دوما حتى في نشرة الاخبار حزب الله المدعوم من ايران )
ال سعود باهيين وعسل كيف يطيحوا مرسي و خائييبن كخة كيف يطيحوا الاسد ؟؟ظ
ما يجيش هكة ...بالنسبة للناس الي عندها اخلاق…
ال سعود كخة من اول الدنيا ...وهم متمتعين بوضع الكخة وشايخين …
لكن لوخيان الي كل يوم يرقصوا على دربوكة مختلفة .... كخة مرتين !
لانهم بلا موقف اصلا !
وثانيا يمكن يقعوا في مازق حقيقي وقت يظهر حل في الشرق الاوسط يصالح بين ال سعود وال انوشروان وهو حل وارد مادام العالم محتاجا الى النفط ..